12 “Siohwa ketin mahsanih, ‘Ahpw ni ahnsou me e lel sounpar 70,+ I pahn kapwukoahki* nanmwarkien Papilon oh wehio ar sapwung kan,+ oh I pahn wiahkihla sapwen mehn Kaldia kan sahpw ehu me tehnla kohkohlahte.+

6 Oh met I kihongehr sahpw pwukat koaros nan pehn ei laduwo Nanmwarki Nepukadnesar+ en Papilon; I pil kihong ih mahn lawalo kan en nanwel pwe ren papah ih. 7 Wehi koaros pahn papah ih oh nah pwutak oh nein nah pwutak lao lel ahnsou me eh wehio pahn imwisekla,+ ni ahnsou me wehi tohto oh nanmwarki lapalap akan pahn wiahkihla ih neirail lidu.’+