• Seremaia 2:8
    Paipel—Kawehwehn Sampah Kapw

    •  8 Samworo kan sohte idek, ‘Ia Siohwa?’+

      Irail me ahneki pwukoa en padahngki Kosonned sehse ie,

      Silepen sihpw kan uhwong ie,+

      Soukohp kan wia kokohp ni eden Paal,+

      Oh irail idawehn koht kan me sohte kak wahdo kamwahuparail.

  • Seremaia 8:10-12
    Paipel—Kawehwehn Sampah Kapw

    • 10 Eri I pahn kihla ar pwoud kan rehn ohl teikan,

      Ar mwaht akan rehn aramas teikan;+

      Pwe sang me keieu tikitik lel me keieu lapalap, emenemen kin ale kamwahupe ni likamw;+

      Sangete soukohp lel samworo, emenemen kin widing.+

      11 Oh irail kin song en kamwahwihala ohlahn nei aramas akan* ni ar sohte kanahieng oh nda,

      “Mie popohl! Mie popohl!”

      Ni eh sohte popohl.+

      12 Ia duwe, irail kin namenengki soahng kasaut kan me re wiadahr?

      Irail sohte douluhl kin namenengki!

      Re pil sehse ahneki pepehm en namenek!+

      Eri irail pahn pwupwudi nanpwungen me pwupwudier kan.

      Ni ei pahn wahdo kalokolok pohrail irail pahn dipekelekel,’+ Siohwa me ketin mahmahsen.

  • Maika 3:5
    Paipel—Kawehwehn Sampah Kapw

    •  5 Iet me Siohwa ketin mahsanihong soukohp kan me kahrehiong nei aramas akan ren salongala,+

      Me kin lohki ‘Popohl!’+ ni eh mie mehkot me re pahn rukoa*+

      Ahpw kin lohki* mahwen ong ih me sohte kin kihong mehkot nan awarail kan:

  • Maika 3:11
    Paipel—Kawehwehn Sampah Kapw

    • 11 Nah kaun akan kin kopwung pwehn ale kisakis ni ahl sapwung,+

      Nah samworo kan kin kaweid pwehn ale pweipwei,+

      Oh nah soukohp kan kin wia kosetipw pwehn ale mwohni.*+

      Ahpw re kin likih Siohwa,* nda:

      “Siohwa sou ketiket reht?+

      Sohte kahpwal pahn lelohng kiht.”+