19 Oh ni ar idek, ‘Dahme kahrehda Siohwa atail Koht ketin wiahiong kitail mepwukat koaros?’ ke pahn sapengkin irail, ‘Duwehte amwail keseiehla pwe kumwail en papah koht en liki nan sapwamwailo, ih pil duwen amwail pahn papah mehn liki kan nan sahpw ehu me kaidehn sapwamwail.’”+

10 “Ni omw pahn ndaiong aramas pwukat mahsen pwukat koaros, irail pahn idek rehmw, ‘Dahme kahrehda Siohwa ketin mahsaniheki kahpwal laud pwukat koaros ong kitail? Sapwung dah oh dihp dah me kitail wiahiong Siohwa atail Koht?’+ 11 Ke pahn sapengkin irail, ‘Siohwa ketin mahsanih, “Pwehki samamwail mehn mahs ako keseiehla,+ oh irail usehlahte idawehn koht teikan oh papah irail oh poaridiong irail.+ Ahpw irail keseiehla, oh re sohte kapwaiada ei kosonnedo.+