• Aiseia 42:24, 25
    Paipel—Kawehwehn Sampah Kapw

    • 24 Ihs me kihla Seikop pwehn pirapala

      Oh Israel rehn sounkul kan?

      Kaidehn Siohwa, me kitail kin wiahda dihp ong?

      Re kin kahng keid nan sapwellime ahl,

      Oh re sohte kin peikiong sapwellime kosonned.*+

      25 Eri e ketin pousehlahte wudekihdiong powe engieng,

      Sapwellime engieng oh mahwen kehlail.+

      Met kamwomwala mehkoaros me kapilpene ih, ahpw e sohte mwahn tehk.+

      Met kin luldahng ih, ahpw e sohte kin nsenohki met.+

  • Seremaia 17:4
    Paipel—Kawehwehn Sampah Kapw

    •  4 Pwehki kowe, ke pahn luhssang omw sohso me I kihong uhk.+

      Oh I pahn wiahiong uhk ken papah omw imwintihti kan nan sahpw ehu me ke sehse,+

      Pwe kumwail saunda ei engieng duwehte kisiniei.*+

      E pahn wie lullul kohkohlahte.”