31 “Kadarala rohng ehu rehn aramas koaros me kalipilipala, nda, ‘Iet me Siohwa ketin mahsaniheki duwen Semaia mehn Nehelam: “Pwehki Semaia wia kokohp ong kumwail, mendahki ei sohte kadarewei ih, oh e song en wiahiong kumwail en likih likamw kan,+ 32 kahrehda iet me Siohwa ketin mahsanih, ‘I pahn kaloke Semaia mehn Nehelam oh kadaudoke kan. Sohte emen kisehn eh peneinei pahn pitila nanpwungen aramas pwukat, oh e sohte pahn kilang soahng mwahu me I pahn wiahiong nei aramas akan,’ Siohwa me ketin mahmahsen, ‘pwe e kangoange aramas akan ren uhwongada Siohwa.’”’”