• Eksodus 34:6, 7
    Paipel—Kawehwehn Sampah Kapw

    • 6 Siohwa ketin kekeid mwowe oh mahmahsanih: “Siohwa, Siohwa, Koht emen me kadek kalahngan+ oh kupwurkalahngan,+ me sohte kin mwadang lingeringerda+ oh diren limpoak loalopwoat*+ oh mehlel,*+ 7 oh kasalehda limpoak loalopwoat lel dih kid kei,+ me kin mahkohng sapwung oh kauwehla kosonned oh dihp,+ ahpw e sohte mwahn pahn mweidohng me suwed en sohte ale kalokepe,+ e pahn wadohng seri kan oh nein neirail seri kan kalokepen sapwung en ar pahpa kan, lel dih kesiluh oh dih kapahieu.”+

  • Seremaia 46:27, 28
    Paipel—Kawehwehn Sampah Kapw

    • 27 ‘A kowe, ei ladu Seikop, ke dehr masak,

      Oh Israel, ke dehpa masepwehkada.+

      Pwe I pahn doareiukala sang wasa doh

      Oh kadaudokomw sang sahpw me re sensel ie.+

      Seikop pahn pwurodo oh meleileidi oh sohte me pahn kedirapwa,

      Sohte me pahn kamasak irail.+

      28 Eri ei ladu Seikop, ke dehr masak,’ Siohwa me ketin mahmahsen, ‘pwe I pahn ieiang uhk.

      I pahn kasohrehla wehi koaros me I kihiukala ie,+

      Ahpw I sohte pahn kasohreiukala.+

      I pahn panawihiuk* ni uwen me konehng,+

      Oh I uhdahn pahn kalokeiuk.’”