21 Siohwa ketin doula mahsanihong Moses: “Koasoiong samworo kan, iei nein Aaron pwutak kan, oh ndaiong irail, ‘Sohte me pahn kasaminehkihla pein ih aramas* mehla men nanpwungen eh aramas akan.+ 2 Ahpw e kak wia met ong kisehn eh nta me keren, ong eh nohno, eh pahpa, nah pwutak, nah serepein, rie ohl, 3 oh e kak kasaminehkihla pein ih rie serepein ma ih meipwon men me karanih ih oh saikinte pwopwoudida.