9 Irail pahn papah Siohwa arail Koht oh Depit arail nanmwarki, me I pahn idihada ong irail.”+

23 I pahn idihada silepen sihpw men pohrail,+ ei ladu Depit,+ oh e pahn kamwenge irail. E pahn kamwenge irail oh wiahla sileparail.+ 24 Oh ngehi, Siohwa, pahn wiahla arail Koht,+ oh ei ladu Depit pahn wiahla kaun emen nanpwungarail.+ Ngehi, Siohwa, me mahmahsen.

24 “‘“Ei ladu Depit pahn wiahla ar nanmwarki,+ oh irail koaros pahn ahneki silepe tehmen.+ Irail pahn keid nan ei kosonned kan oh kapwaiada ei koasoandi kan ni keneinei.+ 25 Re pahn kousoan nan sahpw me I kihong ei ladu Seikop, wasa me samamwail mehn mahs ako kousoan ie,+ oh re pahn kousoan powe kohkohlahte,+ irail oh neirail seri kan* oh kadaudokarail kan;+ oh ei ladu Depit pahn wia ar kaun kohkohlahte.+

31 Oh kilang! ke pahn liseianda* oh naitikihada pwutak emen+ oh ke pahn kihong ede Sises.+ 32 Memenet pahn lapalap+ oh e pahn mwarenki Sapwellimen Wasa Lapalahpie,+ oh Siohwa* Koht pahn ketikihong ih mwoalen seme Depit,+ 33 oh e pahn ketin kaunda imwen Seikop nin duwen Nanmwarki men kohkohlahte oh sapwellime Wehi sohte pahn imwisekla.”+