• 2 Kronikel 30:8, 9
    Paipel—Kawehwehn Sampah Kapw

    • 8 Eri kumwail dehr keptakai duwehte samamwail mehn mahs ako.+ Kumwail uhpahiong Siohwa oh patohdo nan sapwellime wasa sarawio+ me e ketin kasarawihala kohkohlahte oh papah Siohwa amwail Koht, pwe sapwellime engieng kowahlap en sohrasang kumwail.+ 9 Pwe ni amwail pahn pwurodo rehn Siohwa, irail akan me salihedi riamwail kan oh noumwail seri kan pahn kasalehiong irail kadek kalahngan+ oh pahn mweimweiong ren pwurodo nan sahpwet,+ pwe Siohwa amwail Koht me ketin kupwurkalahngan oh kadek kalahngan,+ oh e sohte pahn ketin sohpeisang kumwail ma kumwail pwurodo reh.”+

  • Seremaia 18:7, 8
    Paipel—Kawehwehn Sampah Kapw

    • 7 Ahnsou koaros me I pahn koasoia duwen usada oh karangkehdi oh kamwomwala tohnwehi ehu de wehi ehu,+ 8 oh tohnwehio kesehla eh wiewia suwed kan me I koasoia, I pahn pil wekidala ei lamalam duwen* kahpwal me I pahn wadohng pohrail.+

  • Sepanaia 2:2, 3
    Paipel—Kawehwehn Sampah Kapw

    •  2 Mwohn koasoandio eh pweida,

      Mwohn rahno eh kohkohla rasehng kilin krein,*

      Mwohn engieng kowahlap en Siohwa eh kohdiong pohmwail,+

      Mwohn rahnen sapwellimen Siohwa engieng eh kohdiong pohmwail,

       3 Rapahki Siohwa,+ kumwail me opampap kan* koaros en sampah,

      Me kin kapwaiada sapwellime koasoandi pwung kan.*

      Rapahki pwung, rapahki opampap.*

      Mweinele kumwail pahn ekiekla ni rahnen sapwellimen Siohwa engieng.+