• Deuderonomi 32:26, 27
    Paipel—Kawehwehn Sampah Kapw

    • 26 I pahn nda: “I pahn kamwarakirailpeseng;

      I pahn kasohrehla katamanparail sang rehn aramas akan,”

      27 Ahpw I pwunodki dahme imwintihti kan pahn nda,+

      Pwehki me uhwong kan kakete sawehwehki met.+

      Re kakete nda: “At manaman me kalowehdi;+

      Kaidehn Siohwa me ketin wia mepwukat koaros.”

  • Melkahka 79:9, 10
    Paipel—Kawehwehn Sampah Kapw

    •  9 Maing Koht sounkomourpat, komw ketin sewesei kiht,+

      Pwehki mwaromwi lingan;

      Komw ketin doareikitala oh mahkohng* dipat kan pwehki mwaromwi.+

      10 Dahme wehi kan en kin idengki: “Ia arail Kohto?”+

      Mwohn masat kan, wehi kan en esehla

      Me komwi ketin ikihier aramas akan me kemehla sapwellimomwi ladu kan.+

  • Maika 7:10
    Paipel—Kawehwehn Sampah Kapw

    • 10 Ei imwintihti pil pahn kilang,

      Oh namenek pahn kipehdi ih me ndaiong ie:

      “Ia Siohwa omw Koht?”+

      Mesei kat pahn kilang ei imwintihtio.

      Met e pahn tiatihdi duwehte pwelmatak nanial akan.