• Seremaia 47:4
    Paipel—Kawehwehn Sampah Kapw

    •  4 Pwehki rahn me kohkohdo pahn kamwomwala mehn Pilisdia kan koaros;+

      E pahn katokehdi iangara kan koaros me luwehdi sang Dair+ oh Saidon.+

      Pwe Siohwa pahn ketin kamwomwala mehn Pilisdia kan,

      Irail me luwehdi kan me kohsang dekehn Kaptor.*+

  • Esekiel 25:15-17
    Paipel—Kawehwehn Sampah Kapw

    • 15 “Iet me Kaun Wasa Lapalahpie Siohwa ketin mahsanih: ‘Pwehki ar kolokolete kailok, mehn Pilisdia kan kin songosong ren ikih oh kamwomwala.+ 16 Eri, iet me Kaun Wasa Lapalahpie Siohwa ketin mahsanih: “I pahn kapahla limeiet ong mehn Pilisdia kan,+ oh I pahn kasohrehla mehn Kered kan+ oh pahn kamwomwala irail me luhwehdi kan me kin kousoan ni oaroahro.+ 17 I uhdahn pahn ikih irail oh kaloke irail ni engieng laud, oh re pahn anahne ese me ngehi me Siohwa ni ei ikih irail.”’”

  • Eimwos 1:9, 10
    Paipel—Kawehwehn Sampah Kapw

    •  9 Iet me Siohwa ketin mahsanih,

      ‘Pwehki uhwong siluh oh pil pahieu en Dair,+ I sohte pahn wekidala dahme I piladahr,

      Pwehki re kihla pwihn ehu pwon en me kalipilipala kan rehn Edom,

      Oh pwehki re sohte tamataman inou lap en pirien ko.+

      10 Eri I pahn kadaridiong kisiniei pohn dihd en Dair,

      Oh kisinieio pahn isikala eh imwen doulik kehlail kan.’+

  • Sekaraia 9:1, 2
    Paipel—Kawehwehn Sampah Kapw

    • 9 Kadeik ehu:

      “Mahsen en Siohwa ong sapwen Adrak,

      Oh Damaskus iei wasa me e inene+

      —Pwe silangin* Siohwa kin mahmahsanih aramas akan+

      Oh keinek en Israel koaros—

       2 Oh ong Amad,+ sahpw me mi limwah,*

      Oh ong Dair+ oh Saidon,+ pwe re uhdahn loalokong.+