• Eksodus 3:15
    Paipel—Kawehwehn Sampah Kapw

    • 15 Koht eri pil ketin pwurehng mahsanihong Moses:

      “Iet me ke pahn ndaiong mehn Israel kan, ‘Siohwa, Koht en samamwail mehn mahs ako, Koht en Eipraam,+ Koht en Aisek,+ oh Koht en Seikop,+ ketin poaroneiehdo rehmwail.’ Ih mwarei en met kohkohlahte,+ oh dih koaros pahn kin tamataman mwar wet.

  • Eimwos 4:13
    Paipel—Kawehwehn Sampah Kapw

    • 13 Pwe kilang! iei ih me ketin wiahda nahna kan+ oh kapikada kisinieng;+

      E kin ketin padahkihong aramas audepen sapwellime madamadau kan,

      E kin ketin kawekala marain en nin sohrahn ong ni rotorot,+

      Oh e kin ketin tiakedi wasa ileile kan en sampah;+

      Siohwa, Koht en kaunen karis en sounpei iei mware.”

  • Eimwos 5:8
    Paipel—Kawehwehn Sampah Kapw

    •  8 Me ketin wiahda pwihnen usu Kaima* oh pwihnen usu Kesil,*+

      Me kin ketin wekidala rotorot mosul ong nimenseng,

      Me kin ketin wiahiong ni rahn en rotorot duwehte nipwong,+

      Me kin ketin malipepene pihl en madau kan

      Pwehn ketin kamwerehdiong ni pwelen sampah+

      —Siohwa iei mware.