• Melkahka 85:8
    Paipel—Kawehwehn Sampah Kapw

    •  8 I pahn rong dahme Siohwa, Koht mehlelo ketin mahsanih,

      Pwe e pahn ketin mahsanihong sapwellime aramas akan,+ sapwellime aramas loalopwoat kan duwen popohl,

      Ahpw ren dehr pwurehng nohn koapworopworkihla pein irail.+

  • Aiseia 2:4
    Paipel—Kawehwehn Sampah Kapw

    •  4 E pahn ketin wia kadeik nan wehi kan

      Oh ketin kapwungala ire kan nanpwungen aramas tohto.

      Irail pahn wekidohng neirail kedlahs kan ni mehn deipwel kan

      Oh neirail ketieu kan ni siset en lop tuhke.+

      Wehi ehu sohte pahn pwekada nah kedlahs pwehn pelianki ehu wehi,

      Re pil sohla pahn sukuhlki mahwen.+

  • Aiseia 60:17, 18
    Paipel—Kawehwehn Sampah Kapw

    • 17 I pahn wahdo kohl a kaidehn prons,

      Oh I pahn wahdo silper a kaidehn mete,

      Prons a kaidehn tuhke,

      Oh mete a kaidehn takai;

      Oh I pahn idihada popohl nin duwen omw sounapwalih

      Oh pwung nin duwen noumw sounkoasoanehdi doadoahk.+

      18 E sohla pahn mie rongen tiahk lemei nan sapwomw

      De mwomwla oh ohla nan irepen sapwomw kan.+

      Oh ke pahn ekerki omw dihd kan Komour+ oh omw ewen kehl kan Kaping.

  • Sekaraia 8:12
    Paipel—Kawehwehn Sampah Kapw

    • 12 Pwe werentuhkehn popohl pahn kamwarakdi; oh tuhkehn kreip pahn kapwarehda wah kan oh sampah pahn kapwarehda wahnsahpw,+ oh nanleng pahn kihda pwoaik; oh I pahn wiahiong aramas pwukat me luhwehdi ren sohsohki mepwukat koaros.+