• Esra 6:14, 15
    Paipel—Kawehwehn Sampah Kapw

    • 14 Oh ohl mah en mehn Suhs kan pousehlahte kauwada tehnpaso oh wonlahte nan doadoahko,+ pwehki kangoang sang kokohp en soukohp Akkai+ oh Sekaraia+ nein nein Iddo; re kanekehla ar kauwada tehnpaso sang ni ruwes en Koht en Israel+ oh ruwes en Sairus+ oh Darius+ oh Nanmwarki Ardaserksihs+ en Persia. 15 Tehnpaso eri imwisekla ni kesiluhwen rahn en sounpwong en Adar,* ni keweneun sounpar en mwehin Nanmwarki Darius.

  • Aiseia 44:28
    Paipel—Kawehwehn Sampah Kapw

    • 28 Me kin ndahki Sairus,+ ‘Ih me nei sounsilepen sihpw,

      Oh e uhdahn pahn kapwaiada kupwurei koaros’;+

      Me kin ndahki Serusalem, ‘E pahn onohnsapahlda,’

      Oh ndahki tehnpas sarawio, ‘Omw poahsoan pahn wiawihda.’”+

  • Akkai 1:14
    Paipel—Kawehwehn Sampah Kapw

    • 14 Siohwa eri ketin kamwakidada mohngiong*+ en Serupapel nein Sealtiel, kepinahn Suda,+ oh mohngiong* en samworo lapalap Sosua+ nein Sehosadak, oh mohngiong* en aramas teiko koaros; re ahpw kohdo oh tepida koadoahke tehnpesen Siohwa kaunen karis en sounpei, ar Koht.+