38 Irail eri lel ni imwen soumas en sinakokeo, e ahpw mahsanihada duwen mwoarong oh irail ko me mwahmwahiei oh sengiseng kowahlap.+ 39 Mwurin eh ketilong, e mahsanihong irail: “Dahme kumwail wie mwahmwahiei oh mwoaromwoarongki? Serien sohte mehla, ahpw e wie memeir.”+ 40 Irail ahpw tepida kouruhrki oh kepitki. Ahpw mwurin eh ketin kadarirailla koaros likio, e ahpw ketin kahrehda en serio eh pahpa oh nohno oh irail ko me iang ih, e ahpw ketilong wasa me serio mihmi ie. 41 Ih eri ketin kolada pehn serio oh mahsanihong: “Dalida kumi,” me wehwehki: “Kisin serepein, I ndaiong uhk, pwourda!”+ 42 Oh ni ahnsowohte, serepeino ahpw uhda oh tepida alialu. (E sounpar 12.) Ni ar kilang met, re ahpw sohla kak koledi arail pepehm pwehki ar inenen peren kowahlap. 43 E ahpw ketin pwurupwurehng ruwese* ren dehpa ndaiong emen duwen met,+ e ahpw mahsanihong irail ren kihong serepeino mehkot pwe en kang.

52 Ahpw aramas ako koaros wie sengiseng oh pikipikir nan mwaremwarerail pwehki ar pahtouki serepeino. Ih eri mahsanih: “Kumwail dehr sengiseng,+ pwe e sohte mehla, ahpw e wie memeir.”+ 53 Irail ahpw tepida kouruhrki oh kepitki pwehki ar ese me e melahr. 54 E ahpw ketin kolada peho oh mahsanihong: “Kisin seri, pwourda!”+ 55 Ih eri mourda*+ oh mwadangete pwourda,+ e ahpw ketin ruwese irail en kamwenge. 56 Eri, eh pahpa oh nohno ahpw inenen perenkihda kowahlap, ahpw e ketin kaweidkin ira en dehpa ndaiong emen dahme wiawi.+