22 Pil sounkawehwehn Kosonnedo ko me kohdihdo sang Serusalem kin nda: “Peelsepwul* tiadahr powe oh e kin kauski ngehn suwed kan manaman en kaunen ngehn suwed kan.”+ 23 Eri, mwurin eh malipehdo irail reh, e ahpw mahseniong irail ni karasaras: “Ia duwen Sehdan eh kak kausala Sehdan? 24 Ma wehi ehu pahn tohrohrpeseng oh uhpene nanpwungarail, wehi wet sohte pahn kak mihmihte;+ 25 oh ma tohnihmw ehu pahn tohrohrpeseng oh uhpene nanpwungarail, tohnihmw wet sohte pahn kak mihmihte. 26 Ma Sehdan pahn uhwongada pein ih oh nah kan pil tohrohrpeseng, e sohte pahn kak mihmihte, ahpw e pahn imwisekla. 27 Ni mehlel, sohte emen me pedolong nan imwen ohl kehlail men kak pirapahla eh kepwe kan ma e sohte pahn salihedi mahs ohl kehlailo. Pwe ihte met me e pahn kak pirapahki imweo.

15 Ahpw ekei irail nda: “E kin kauski ngehn suwed kan Peelsepwul,* kaunen ngehn suwed kan.”+ 16 Oh meteikan tepida peki reh kilel ehu+ sang nanleng, pwe ren lidipiheki. 17 Pwehki eh mwahngih arail lamalam,+ e ahpw mahsanihong irail: “Wehi koaros me kin tohrohrpeseng oh uhpene nanpwungarail kin ohla, oh tohnihmw ehu me kin tohrohrpeseng oh uhpene nanpwungarail kin mwerpeseng. 18 Pil duwehte, ma Sehdan pil kin uhwong pein ih, ia duwen eh wehi eh pahn kak mihmihte? Pwe kumwail kin nda me I kin kauski ngehn suwed kan Peelsepwul. 19 Ma I kin kauski ngehn suwed kan Peelsepwul, eri ihs me noumwail tohnpadahk kan kin kauskin irail? Ihme kahrehda irail pahn wia amwail sounkadeik. 20 Ahpw ma sapwellimen Koht rekileng+ me I kin kauski ngehn suwed kan, eri Wehin Koht uhdahn poweikumwaildier.+ 21 Ni ohl kehlail men eh kin silehki imweo eh tehtehn pei koaros, eh dipwisou kan kin nekinek mwahu. 22 Ahpw ma emen me kehlailsang ih kohdo uhwongada oh kalowehdi, aramaso pahn kihsang en ohlo tehtehn pei koaros me e kin likih, oh e pahn nehkpeseng dipwisoun kul kan. 23 Mehmen me sohte iang ei pali kin uhwong ie, oh mehmen me sohte kin iang ie rikpene kin kamwerepeseng.+