35 Aramas ako ahpw kohieila pwe ren kilang dahme wiawi. Irail patohdo rehn Sises oh diarada ohlo me ngehn suwed ko kohieisangehr eh likoudahr, oh e solahr sahliel oh mwomwohd ni aluweluwen Sises, re ahpw masepwehkada. 36 Irail ako me kilang met ahpw kairehki irail ko me kohdo duwen ohlo me ngehn suwed tiada powe eh mwahulahr. 37 Eri aramas tohto sang wasa kan limwahn sapwen mehn Kerasa ahpw patohwan peki rehn Sises en ketilahsang rehrail pwe re inenen masepwehkada kowahlap. Ih eri ketidahng pohn pwohto pwe en ketin mwesel.