10 Ih eri malipehdo sapwellime tohnpadahk 12 ko oh ketikihong irail manaman en powehdi ngehn saut akan+ pwe ren kausirailla oh kamwahwihala soangen soumwahu oh luwet koaros.

9 E ahpw malipepene meh Ehk Riemeno oh ketikihong irail manaman oh pwuhng en powehdi ngehn suwed koaros+ oh kamwahwihala soumwahu kan.+ 2 Ih eri poaroneirailla ren kalohki Wehin Koht oh kamwahwihala aramas akan, 3 e ahpw mahsanihong irail: “Kumwail dehpa wa mehkot nan seiloak wet, sohte sokon, sohte edin mwenge, sohte pilawa, sohte mwohni;* oh pil sohte likou riau.*+ 4 Ahpw sohte lipilipil wasa me kumwail pedolong nan ihmw ehu, mihmihte mwo lao kumwail mweselsang wasao.+ 5 Oh sohte lipilipil wasa ehu me aramas sohte kin kasamwo kumwail, ni amwail kohieisang kahnimwo, sipedasang pwelpar ni nehmwail kan pwe en wia kadehde ehu ong irail.”+ 6 Irail ahpw mweselda, kakahnseli nan kisin kahnimw koaros, kalokalohki rongamwahu oh kamwakamwahwihala aramas akan wasa koaros.+