6 Ahpw ni kasarawien ipwidien Erod+ eh wiawi, nein Erodias serepeino eri kahlek mwohrail oh uhdahn kaperenda Erod,+ 7 kahrehda e kahukihla me e pahn kihong mehkot sohte lipilipil me e pahn peki. 8 Eri sang ni kaweid en eh nohno, e nda: “Ketikidohng ie wasaht, moangen Sohn Sounpapidais nan ehu dahl.”+ 9 Nanmwarkio ahpw nsensuwedkihla, a pwehki kahula me e wiahdao oh irail me iang ih mwengemwenge,* e ruwese dahme serepeino peki en kohieng. 10 Ih eri ilekla pwe moangen Sohn en lupsang nan imwetengo. 11 Moangeo ahpw wisikdo nan dahl ehu oh kohieng serepeino, oh e walahng eh nohno. 12 Mwuri, nah tohnpadahk ko ahpw kohla ale paliwere oh sarepedi; irail eri kohdo kairehki Sises.