5 “Kilang! I pahn kadarowohng kumwail soukohp Elaisa+ mwohn rahn lapalap oh kamasepwehk en Siohwa eh leledo.+ 6 Oh e pahn wiahiong mohngiong en pahpa kan en duwehla mohngiong en seri kan,+ oh mohngiong en seri kan en duwehla en pahpa kan,* pwe I en dehr kohdo oh kauwehla sampah ni ei pahn kamwomwala.”

27 Sises oh sapwellime tohnpadahk ko eri ketieila ni kisin kahnimw kan en Sesaria Pilipai oh ni arail kohkohieila, e ahpw tepida keinemwe rehn sapwellime tohnpadahk ko, mahsanih: “Ihs me aramas akan kin wiahkin ie?”+ 28 Irail eri patohwanohng: “Sohn Sounpapidais,+ a ekei kin nda Elaisa,+ a pil ekei kin nda emen soukohp ako.”