47 Ni eh mahmahsente, a kilang! Sudas, emen meh Ehk Riemeno iangahki pokon laud ehu me wa kedlahs oh tuhkehn wowoki pa leledo. Re kohdo sang rehn kaunen samworo ko oh me mah kan en tohnwehio.+

48 Eri me pangala iho kihongehr irail kilel ehu ni eh nda: “Mehmen me I pahn metik, iei ih; kumwail ale oh salihedi.” 49 E inenlahngete Sises oh patohwan: “Kaselehlie Maing Rapai!” e ahpw metik. 50 Sises ahpw mahsanihong: “Nahn, ia kahrepen omw mi me?”+ Irail ahpw kohdo oh poarehng Sises oh salihedi. 51 A kilang! emen iengen Sises ko usadahte nah kedlahso oh pelehki nein samworo lapalapo ladu oh pelehsang salengeo.+

47 Ni eh mahmahsente, a kilang! pokon ehu oh ohl me adaneki Sudas, emen meh Ehk Riemeno ahpw tieng mwohrail oh e keiong mpen Sises oh metik ih.+ 48 Sises ahpw mahsanihong: “Sudas, ke pangkilahr Nein-aramas metik ehu?” 49 Ni irail ko me mi limwah ar kilangada dahme pahn wiawi, re ahpw patohwan: “Maing Kaun, sen doadoahngki nait kedlahs kat?” 50 Emen irail ahpw pelehte nein samworo lapalapo ladu oh pelehsang salenge palimaun.+ 51 Sises ahpw ketin sapeng mahsanih: “Itarehr.” E ahpw ketin doahke salengen laduwo oh kamwahwihala.

3 Eri Sudas kahrehdo pwihnen sounpei kei oh sounsilasil kei me pekedersang rehn kaunen samworo ko oh Parisi ko oh kohdo wasao wa mehnser, lamp oh tehtehn mahwen kei.+