24 A kilang! lapalahn melimel ehu pa pwarada nansedo, kahrehda ilok ko koaduhpwalihdi pwohto; ahpw e seiseimwok.+

24 Ih ahnsowo me pwohto uhdahn dohlahsang* sahpw oh pwungupwungudengkiseli ilok kan pwehki kisiniengo uhlahng irail. 25 Ahpw ni kapahieun awahn silasil en nipwong,* e ahpw ketila rehrail, ketin alialu kohla pohn sehdo. 26 Ni ahnsou me re kilangada eh ketin alialu kohla pohn sehdo, tohnpadahk ko ahpw uhdahn masepwehkada oh nda: “Ouraman ehu met!” Re werkihda ar masepwehk. 27 Ni ahnsowohte Sises mahsanihong irail: “Ngehi met; kumwail dehr masak.”+ 28 Piter ahpw sapengki: “Maing Kaun, ma komwi men, a komw ketin ruwese I en patohwei rehmwi pohn pihlet.” 29 E ketin mahsanih: “Kohdo!” Piter eri keredihsang pohn pwohto oh alu kohla rehn Sises pohn pihlo. 30 Ahpw ni eh tehkada uklahn kisiniengo, e masepwehkada. Oh ni eh tepida kihrla, e weriwer nda: “Maing Kaun, komw ketin doareiehla!” 31 Ni ahnsowohte Sises ketin kapahla limeo, ketin kolada ih oh mahsanihong: “Ke meid pwoson tikitik, dahme ke peikasalki?”+ 32 Mwurin ara karada pohn pwohto, kisiniengo ahpw meleileidi. 33 Irail me mi nan pwohto eri poaridi mwowe, patohwan: “Komwi me uhdahn Sapwellimen Kohto.”