22 “Ma ohl emen wiahda dihp ehu me konehng kalokepen kamakamala oh e kamakamala+ oh ke langahda ih nin tuhke pwoat,+ 23 paliwere mehlao sohte pahn mihmi nin tuhkeo pwohng ehu pwon.+ Ke uhdahn pahn sarepedi ih ni rahnohte, pwehki emen me langada nin tuhke wia mehkot me Koht ketin keria,+ oh ke sohte pahn kasaminehla sapwomw me Siohwa omw Koht pahn ketikihong uhk nin duwen sohso ehu.+

57 Ni eh kohkolahng nin soutik, ohl kepwehpwe en Arimadea men me ede Sosep ahpw kohdo, e pil wiahla emen sapwellimen Sises tohnpadahk.+ 58 Ohl menet kohla rehn Pailet oh pekihda kahlap en Siseso.+ Pailet eri ruwese pwe kahlepeo en kohieng ih.+ 59 Sosep eri ale kahlapo, kidimkipene likou linen mwakelekel oh kaselel,+ 60 oh nekidedi nan eh sousou* kapw+ me e wiahda nan paip ehu. Mwurin eh katapwurehiong takai lapala ehu ni ewen sousowo,* e ahpw kohkohla.

43 Sosep mehn Arimadea, kisehn tohn mwoalen kopwung en pelien lamalam en mehn Suhs* wahu men ahpw kohdo, e pil kin iang kasikasik Wehin Koht. E eimah pwarala rehn Pailet oh pekihda kahlap en Siseso.+ 44 Ahpw Pailet men ese ma mehlel e pwoulahr, e ahpw ekerodo kaunen sounpeio pwe en idek reh ma Sises pwoulahr. 45 A mwurin eh ale kadehdepen met sang rehn kaunen sounpeio, e ahpw mweidohng Sosep en ale kahlap en Siseso. 46 Mwurin eh pwainda likou linen kaselel oh kihdihsang ih, e kidimkipene likou linen kaselelo oh nekidedi nan sousou*+ me weiweida nan paip ehu; ih eri katapwurehiong takai ehu ni ewen sousowo.+