7 Ni ara kohkohla, Sises ahpw tepida mahsanihong pokono duwen Sohn: “Dahme kumwail kilang ni amwail kohla nan sapwtehn?+ Ahlek pwoat me kin tutuwelengkiseli kisinieng?+

10 Iei ih memenet me ntingdier duwe: ‘Kilang! I pahn kadarewei nei meninkeder men me pahn tiengla mwohmw* oh e pahn kaunopada alomw!’+

13 Tohnlengo ahpw ndaiong: “Sekaraia, ke dehr masak pwe Koht ketin karongehier omw kapakap ni ngidingid, oh omw pwoud Elisapet pahn naitikihada pwutak emen me ke pahn kihong ede Sohn.+

17 E pil pahn tiengla mwowe ni ngoang* oh ni manaman me Elaisa ahneki,+ pwe en wiahiong mohngiong en pahpa kan en duwehla mohngiong en seri kan+ oh sewese me sapeik kan ren loalokongla oh wia me pwung pwe en kaunopada aramas akan ong Siohwa.”*+