16 Kumwail pahn wadek rahn 50+ lao lel rahn mwurin keisuhwen rahnen Sapad, oh mwuri kumwail pahn kihda meirong en krein kapw ehu ong Siohwa.+

9 “Ke pahn wadek wihk isuh. Ke pahn tepikihda wadek wihk isuh sang ahnsou me ke tepin doadoahngki naipokos pwehn pelehdi krein kan me kesikesihnen.+ 10 Eri, ke pahn wia Kasarawien Wihk kan ong Siohwa omw Koht+ iangahki meirong me ke nsenki wiahda, me pahrekiong uwen me Siohwa omw Koht kin ketin kapaiahkin uhk.+ 11 Oh ke pahn pereperen mwohn silangin Siohwa omw Koht, kowe oh noumw pwutak, noumw serepein, noumw lidu ohl, noumw lidu lih, oh mehn Lipai me kin mi nan omw kahnimw kan,* mehn liki, me sepwoupwou oh liohdi, me kin mi rehmw, nan wasa me Siohwa omw Koht ketin pilada ie ong lingan en mware.+