3 Ahpw Sohl tepida kaloke mwomwohdiso. E kin pedolongete nan ehuehu ihmw oh wurahdekiei ohl oh lih akan koaros oh kihirailong nan imweteng.+

9 Ahpw Sohl kin kamakamasakte oh kin uhdahn men kemehla tohnpadahk kan en Kauno,+ oh e ahpw kohla rehn samworo lapalapo 2 oh peki reh kisinlikou ong sinakoke kan nan Damaskus, pwe e pahn salihedi ohl oh lih koaros me e diar, me kisehn Ahlo+ oh wairaildo Serusalem.

9 Ngehi emen me kin kamehlele mahso me I anahne wia soahng koaros pwe I en uhwong mwaren Sises mehn Nasaret. 10 Iei met me I wiadahr nan Serusalem, oh I salihedi aramas sarawi tohto nan imweteng,+ pwe I alehdi manaman sang rehn kaunen samworo kan;+ oh ni arail pahn kamakamala, I pil kin utung. 11 Sang ni ei kin kalapw kaloke irail nan sinakoke kan koaros, I kin song en idingkihong irail en kahmahmkihla arail pwoson; oh pwehki ei kin inenen lingeringerkin irail, I pil kohla ni kahnimw teikan pwe I en kaloke irail.

12 I kalahngankihong Krais Sises atail Kaun, me ketikihong ie manaman, pwehki eh ketin medemedewe me I me lelepek sang ni eh ketikihong ie doadoahk sarawi ehu,+ 13 mendahki mahso I kin lahlahwe Koht, kaloke sapwellime aramas akan oh aklapalap.+ Ahpw e ketin kasalehiong ie kadek kalahngan pwehki ei sehse mehkot oh seupwoson.