31 Ni arail songosong en kemehla ih, pakair ehu ahpw lellahng kaunen karis en sounpeio* me Serusalem pwon pingidahr; 32 oh e mwadangete kahrehda sounpei ko oh kaunen sounpei ko oh tangdihla rehrail. Ni ahnsou me re kilangada kaunen karis en sounpeio oh sounpei ko, re ahpw tokedihsang arail keme Pohl.

33 Kaunen karis en sounpeio eri keiong mpe oh koledi oh ruwese en selkihdi selmete riau;+ e ahpw idek ihs ih oh dahme e wiadahr.