20 Mwurin arail sak en soutik, e pil ketin wia soahngohte ong kepo oh mahsanih: “Kep wet wehwehki inou lap kapw+ me poahsoankihda ntahi+ me pahn kepwilipwildi ong kumwail.+

13 Ntahn kuht oh kouwol kan,+ oh pehs en koupwul lih me kin usupiong aramas saminlahr kan kin kasarawihla paliwararail kan.+ 14 Ahpw ntahn Krais manamansang met.+ Sang ni doadoahk en ngehn sarawi* soutuk, Krais toukihda pein ih ong Koht nin duwen meirong ehu me sohte sapwung kis ie. Sapwellime nta kamwakelehda kadeikpen loalatail sang wiewia soh katepe*+ kan pwe kitail en kak papah Koht ieias.+

18 Pwe kumwail ese me kaidehn soahng kan me kak mwerpeseng, duwehte silper de kohl, me kasaledengkumwailla*+ sang amwail elen mour soh katepe me kodoudou ong kumwail sang rehn samamwail mehn mahs ako.* 19 Ahpw kumwail saledengkihla nta kesempwal,+ duwehte ntahn sihmpwul men me sohte sapwung kis oh sohte mwahi kis iang,+ me iei ntahn Krais.+