23 Kaidehn ihte met, ahpw kitail alehdier ngehn sarawi* me wia kilelepen soahng kan me pahn kohdo.* Kitail kin ingihngtik loalatail+ nindoken atail kasikasik atail pahn pwekipwekda nin duwen seri kei+ oh saledek sang paliwaratail pwehki pweinen pweipwei sapahlo.

5 Eri me ketin kaunopadahng kitail mewet iei Koht,+ me ketikihong kitail ngehn sarawi* nin duwen mehn kadehde en dahme pahn kohdo.*+

13 Ahpw kumwail pil kin koapworopworki Krais mwurin amwail rongada mahsen mehlelo, rongamwahu duwen komourpamwail. Oh pil pwehki ih, mwurin amwail kamehlelehier, kumwail kilelkihdi+ ngehn sarawi* me Koht ketin inoukihda, 14 me iei mehn kadehde en dahme pahn kohdo* me pid atail sohso.+ Koht ketin wia met pwe en ketin kasaledekihala sapwellime aramas akan+ sang ni pweinen pweipwei sapahl ehu,+ pwe ren kapinga sapwellime lingan.