2 Ahpw riat ako, me pid duwen ketier* en atail Kaun Sises Krais+ oh atail pahn pokonpene reh,+ se peki rehmwail, 2 kumwail dehr mwadang pingida ma emen nda me rahnen Siohwa*+ leledohr. Kumwail dehr pwunodki, mehnda ma re nda me rohngo sang rehn Koht,+ de re wadekasang nan kisinlikou me dene se ntingihada.

3 Pwe ahnsou ehu pahn leledo me irail sohte pahn kin rong padahk mehlel,*+ ahpw re pahn idawehnla pein nsenarail oh re pahn rapahki sounpadahk kan me kin padahngki dahme re kin men rong.+ 4 Re pahn sohpeiweisang ar kin rong me mehlelo oh re pahn uhd rong soai likamw akan.

2 Ahpw soukohp likamw ekei pil pwarada nanpwungen mehn Israel kan, duwehte eh pahn miehla sounpadahk likamw akan nanpwungamwail.+ Irail pwukat pahn kawailong pali kan me pahn kauweikumwailla, oh re pil pahn kahmahmkihla ih* me pwainirailda,+ oh ihme re pahn kahrehkidohng pohrail kaupahr mwadang.