6 Pein ngehi me kihsang riamwail kan, mehn Lipai kan, sang rehn mehn Israel kan nin duwen kisakis ehu ong kumwail.+ Re pahn wiahla sapwellimen Siohwa oh re pahn papah nan impwal en mihtingo.+ 7 Kowe oh noumw pwutak kan pwukoahki amwail pwukoahn samworo kan me pid pei sarawio oh dahme mi loalen kahdengo,+ oh kumwail pahn wia pwukoa wet.+ I kihongkumwailehr pwukoahn samworo nin duwen kisakis ehu, oh emen me sohte mweimwei* me kohdo pahn kamakamala.”+