29 I ese me mwurin ei pahn kohkohla, kidien wel lemei kan pahn kohdo nanpwungamwail+ oh re sohte pahn apwalih pelin sihpwo ni kadek, 30 oh aramas kei pahn pwarada sang nanpwungamwail oh pahn koasoia soahng kan me kin kapirekihala me mehlelo pwehn kahrehiong tohnpadahk kan ren idawehnirailla.+

2 Ahpw soukohp likamw ekei pil pwarada nanpwungen mehn Israel kan, duwehte eh pahn miehla sounpadahk likamw akan nanpwungamwail.+ Irail pwukat pahn kawailong pali kan me pahn kauweikumwailla, oh re pil pahn kahmahmkihla ih* me pwainirailda,+ oh ihme re pahn kahrehkidohng pohrail kaupahr mwadang.