16 E idingkihong aramas koaros—me tikitik oh me lapalap, me kepwehpwe oh me semwehmwe, me saledek oh lidu kan—pwe irail pwukat en kileldi ni pehrail palimaun de ni temwarail kan.+ 17 Sohte emen kak pwainda mehkot de netikihla mehkot, ahpw ihte aramas me kilelkihdi eden+ mahn lawalou de nempehn edeo.+ 18 Ihme kahrehda erpit anahn wasaht: Mehmen me ahneki dehde mwahu a en kapata nempehn mahn lawalou, pwe nempe wet iei nempehn aramas emen, oh eh nempe iei 666.+

2 Me keieuo kohla oh wudekihdiong pohn sampah nah pwohlo.+ Kens kamedek oh suwed+ ahpw pwarada rehn aramas ako me kilelkihdi kilel en mahn lawalo+ oh me kin kaudokiong eh sansal.+

4 Oh I kilangada mwoahl kei, oh manaman en kadeik ahpw kohieng irail kan me mwomwohd powe. Ei, I kilangada ntahn* irail kan me kamakamala* pwehki arail kin kadehdehda duwen Sises oh kin kalohki duwen Koht, oh pil irail kan me sohte kin kaudokiong mahn lawalou de eh sansal oh sohte alehdi kilel ni temwarail oh ni pehrail.+ Oh re mourda oh iang Krais kakaun nin duwen nanmwarki kei+ erein sounpar 1,000.