Melkahka kan

Melkahka pwoat.

98 Kumwail koulkihong Siohwa apwoat koul kapwen,+

Pwe e ketin wiadahr soahng kapwuriamwei kan.+

Sang ni palimaun en nin lime, me iei, nin lime sarawi, e ketin kapitkitailahr.*+

2 Siohwa ketin kasansaledahr sapwellime komour;+

E ketin kasaledahr sapwellime pwung mwohn wehi kan.+

3 E ketin tamataman sapwellime limpoak loalopwoat oh lelepek ong wehin Israel.+

Aramas koaros nan sampah pwon kilangehr komour sang atail Koht.*+

4 Kumwail aramas koaros nin sampah, kumwail weriwerki ngilen kana ong Siohwa.

Kumwail pereperen oh weriwerki peren oh koulki koulen kaping kan.*+

5 Kumwail koulki koulen kaping kan* ong Siohwa iangahki arp,

Iangahki arp oh ngilen koul.

6 Iangahki sowi kan oh ngilen mehn pepeuk,*+

Kumwail weriwerki ngilen kana mwohn Nanmwarkio, Siohwa.

7 Sehd oh audepe kan koaros en ngirisek,

Sampah* oh irail kan me kin kousoan loale.

8 Pillap akan en lopwolopw;

Nahna kan en ehupene weriwerki peren+

9 Mwohn silangin Siohwa, pwe e ketiket kohdo* pwe en ketin kadeikada sampah.

E pahn ketin kadeingki sampah* pwon pwung+

Oh kadeingki aramas akan pwung pahrek.+