Melkahka kan
Ong sounpihtih keseng. En Depit melkahka.
20 Siohwa en ketin sapeng komwi ni rahn en apwal.
Mwaren Koht en Seikop en perei komwi.+
3 En ketin tamataman omwi meirong en kisakis kan koaros;
En ketin kupwurperenki omwi meirong isihs.* (Selah)
4 En ketikihong komwi dahme komw kin inengieng+
Oh ketin wiahiong omwi koasoandi kan* koaros en pweida.
5 Kitail pahn weriwer pereperenki omwi wiewiahn komour kan;+
Kitail pahn pwekada neitail pilaik kan ni mwaren atail Koht.+
Siohwa en ketin kapwaiada omwi pekipek kan koaros.
6 Met I patohwan eseier me Siohwa kin ketin kapitala sapwellime me keidio.+
E kin ketin sapeng ih sang nan sapwellime wasa sarawio nanleng
7 Ekei kin likih kurumahn mahwen kan, a ekei kin likih oahs kan,+
Ahpw kitail kin likweriong mwaren Siohwa, atail Koht.+
8 Irail dipekelekel oh pwupwudier,
Ahpw kitail uhdahr oh uh tengeteng.+
9 Maing Siohwa, komw ketin kapitala nanmwarkio!+
E pahn ketin sapeng kitail ni rahn me kitail pahn patohwan likwer peksawas.+