Melkahka kan
En Depit mikdam.*
16 Maing Koht, komw ketin pere ie, pwe I diaradahr wasahn ruk rehmwi.+
2 I patohwanohng Siohwa: “Komwi me Siohwa, Utupen soahng mwahu koaros me I ahneki.
3 Oh irail me sarawi kan nin sampah,
Me lapalap akan, kin wadohng ie peren laud.”+
4 Irail kan me kin ngoangki papah koht teikan kin katohtohwehla ar pahtou.+
I sohte mwahn pahn wiahda meirong en nta ong irail,
De pil kilin ewei kat sohte pahn koasoia adarail kan.+
5 Siohwa me pwaisei, ei sohso,+ oh ei tungoal kep.+
Komw kin ketin sinsile ei sohso.
6 Wasa kansenamwahu kan sosohngdier ong ie.
Ei, I itarkiher ei sohso.+
7 I pahn kapinga Siohwa me kin ketikihong ie kaweid.+
Pil nipwong, ei madamadau keieu loal kan* kin kapwungiehla.+
8 I kin kilang Siohwa eh ketiket mwohi ahnsou koaros.+
Pwehki e kin ketiket ni palimauni, I sohte mwahn pahn rerada.*+
9 Eri ei mohngiong kin pereperen, I uhdahn perenda.*
I kin koukousoan ni ei sohte perki mehkot.
10 Pwe komw sohte pahn ketin likidmelieiehla nan Sousou.*+
Komw sohte pahn ketin mweidohng sapwellimomwi me loalopwoato en kilang pwoahr en seridi.*+
11 Komw kin ketin kahrehiong ie I en esehla elen mour.+
Peren laud kin mi mwohn silangomwi;+
Mie nsenamwahu ni palimaun en nin limwomwi kohkohlahte.