Melkahka kan
Ong sounpihtih keseng; iangahki keseng sahl kan me kin kapahrekiong Seminid.* En Depit melkahka.
6 Maing Siohwa, komw dehr ketin panawih ie nan omwi engieng,
Oh komw dehr ketin kapwung ie nan omwi engieng mwuledek.+
2 Maing Siohwa, komw ketin kupwuramwahwih ie,* pwe I wie luhluwetala.
Maing Siohwa, komw ketin kamwahwihiehla,+ pwe tih kat wie rerrer.
3 Ei, I uhdahn pwunod,+
I ahpw patohwan kalelapak rehmwi Maing Siohwa, ia erein met eh pahn wiewiawi?+
4 Maing Siohwa, komw ketin sapahldo oh kapitiehla;+
Pwehki sapwellimomwi limpoak loalopwoat, komw ketin doareiehla.+
6 I luwetkilahr ei wie sengsengloal;+
Pwohng ehu pwon I kawisekesekehkihla ei peht pilen mesei kan;*
Ei mehn mwomwohd wisekesengkihla ei sengiseng.+
8 Kumwail koaros me kin wia me suwed, kumwail keiweisang ie,
Pwe Siohwa pahn ketin karonge ngilen ei kin wie sengiseng.+
9 Siohwa pahn ketin karonge ei peki kupwuramwahu;+
Siohwa pahn ketin sapeng ei kapakap.
10 Ei imwintihti kan koaros pahn namenekla oh pwunodada;
Re pahn pweiekla; re pahn mwadangete mwamwahlla.+