Melkahka kan
Kapakap en aramas lokolok men ni ahnsou me sohla eh koapworopwor* oh e wehkada eh pwunod kan mwohn silangin Siohwa.+
102 Maing Siohwa, komw ketin karonge ei kapakap;+
Komw ketin mweidohng ei likwer en peksawas en lelewei rehmwi.+
2 Komw dehr ketin karirihweisang ie silangomwi ni ahnsoun ei apwal.+
3 Ei rahn akan sosohrala rasehng ediniei,
Oh tih kat roangalahr duwehte wasahn kisiniei mwehl ehu.+
4 Ei mohngiong luwetalahr duwehla dihpw me mengidier,+
Solahr ei ineng en tungoale mehkot.
6 I duwehte pelikan men nan sapwtehn;
I duwehte kisin likoht men me mi nan mohn ihmw kan.
8 Rahn ehu pwon ei imwintihti kan kin kapailoke ie.+
Irail akan me kin kapailoke ie kin doadoahngki edeiet nin duwen mehn keria ehu.
9 I kin kang pehs duwehte kenei pilawa,+
Oh pilen mesei kat doaloalahr dahme I kin nim,+
10 Pwehki omwi engieng kowahlap,
Komw ketin pwekieda ihte pwe komwi en ketin keseiehla.
13 Komw uhdahn pahn ketida oh ketin kasalehiong Saion kadek kalahngan,+
Pwe met iei ahnsou en kasalehiong ih sapwellimomwi kupwuramwahu;+
Ahnsou me kileldio leledohr.+
14 Pwe sapwellimomwi ladu kan kin perenki takai en Saion kan+
Oh re pil kin poakohng pwelpar en Saion.+
15 Wehi kan pahn masak mwaren Siohwa,
Oh nanmwarkien sampah koaros pahn masak sapwellimomwi lingan.+
18 Met pahn ntingdi ong dih en mwuhr kan,+
19 E kin ketin iroirdihdo sang nan sapwellime wasa sarawi ileo,+
Siohwa kin ketin mahsendihdo sampah sang nanleng,
20 Pwe en ketin karonge sengloal en me sensel kan;+
Pwe en ketin kasaledekala irail akan me pakadeikdahr ren kamakamala.+
21 Pwe mwaren Siohwa pahn lohkseli nan Saion+
Oh kapingpe pahn lohkseli nan Serusalem,
22 Ni ahnsou me aramas akan oh wehi kan
Pahn pokonpene pwehn papah Siohwa.+
23 E ketikihsang ei kehl ni ei pwulopwul;
E ketin kamwotehla ei rahn akan.
24 I patohwan: “Maing ei Koht,
Komw dehr ketin kasohreiehla mwohn ei pahn likeilapala,
Komwi me kin ketin ieias erein dih kan koaros.+
25 Mahso komw ketin wiadahr poahsoan en sampah,
Oh nanleng iei wiepen nin limomwi kan.+
26 Re pahn sohrala, ahpw komwi pahn ketikette;
Oh irail koaros pahn meringla duwehte likou ehu.
Komw pahn ketin wilianirailda duwehte likou, oh re pahn sohrala.
27 Ahpw komwi pahn duweduwehte, oh omwi sounpar akan sohte mwahn pahn imwisekla.+
28 Nein sapwellimomwi ladu kan seri kan pahn kousoan ni ar sohte pahn perki mehkot,
Oh kadaudokarail kan pahn poatopoat mwohn silangomwi.”+