Melkahka kan
Ong sounpihtih keseng; ong ngilen keseng “Tie Lih en nin Sohrahn.”* En Depit melkahka.
22 Maing ei Koht, Maing ei Koht, dahme komw ketin likidmeliekiniehla?+
Dahme kahrehda komw sohte ketido doareiehla,
Oh sohte ketin karonge ei tihwohla liklikwer?+
2 Maing ei Koht, I kin liklikwer ni rahn, ahpw komw sohte kin ketin sapeng;+
Oh I sohte kin nennenla nipwong.
5 Re kin likweriong komwi, oh re ahpw kin poadoandoarla;
6 Ahpw ngehi mwahs emen, a kaidehn aramas emen,
Me aramas akan kin kepitki oh mwamwahliki.+
7 Irail koaros me kin kilang ie kin kapailoke ie;+
Re kin kepitki oh itik moangarail kan ni ar mwamwahlikin ie:+
8 “E kin likih Siohwa. Eri en ketin doarehla ih!
En ketin doarehla ih, pwe E ketin kupwurperenki ih!”+
9 Komwi me ketikiniesang nan kapehden inei,+
Me ketin wiahiong ie I en sohte perki mehkot ni en ei nohno dihdi kan.
10 I mi pahn epwelpomwi sangete ni ei ipwidi;
Komwi me ei Koht sangete ni ei mihmi nan kapehden inei.
14 I wudekiei rasehng pihl;
Tih kat koaros piselpesengehr.
15 Ei kehl ngalangaladahr rasehng diperen sah ehu;+
Loweiet pasehngehr utuhn ngih kat;+
Komw kin ketikiniehdihla nan pwelpar en mehla.+
16 Pwe kidi kan kapiliepenehr;+
Re kerendohng ie rasehng pwihn en aramas suwed ehu,+
Re kin mi ni pehi kat oh nehi kat rasehng laion men.+
17 I kak wadekedi tih kat koaros.+
Re kin kilikilang ie oh kangkakil ie.
19 Ahpw Maing Siohwa, komw dehr ketin dohweisang ie.+
Komwi me ei kehl; komw ketin mwadangodo sewese ie.+
20 Komw ketin doareiehsang kedlahs,
Komw ketin doarehla ei mour kesempwal sang nehn kidi kan;+
21 Komw ketin doareiehsang ewen laion+ oh koden kouwol lawalo kan;
Komw ketin sapeng ie oh doareiehla.
23 Kumwail me kin lemmwiki Siohwa, kumwail kapinga ih!
Kumwail kadaudok en Seikop koaros, kumwail kalinganahla ih!+
Kumwail kadaudok en Israel koaros, kumwail lemmwiki ih.
Ni eh kin likweriong peksawas, e kin ketin karonge.+
25 I pahn kapinga komwi nan mwomwohdiso laud;+
I pahn kapwaiada ei inou kan me I kaukihla mwohn irail kan me kin lemmwiki ih.
Kumwail en pereperenki mour* kohkohlahte.
27 Aramas koaros nan sampah pwon pahn tamanda oh sohpeiong Siohwa.
Peneinei koaros en wehi kan pahn poaridiong mwohn silangomwi.+
28 Siohwa iei me nanmwarki;+
E kin ketin kaunda wehi kan.
29 Me kepwehpwe* koaros en sampah pahn mwenge oh poaridi;
Irail koaros me kohkohdihla nan pwelpar pahn kelepwikihdi mwohn silangi;
Sohte emen irail kak doarehla ar mour.*
30 Kadaudokarail kan pahn papah ih;
Dih en mwuhr kan pahn rong duwen Siohwa.
31 Re pahn kohdo oh koasoia sapwellime wiewia pwung kan.
Re pahn padahkihong aramas akan me pahn ipwidi dahme e ketin wiadahr.