Melkahka kan
Kahpwal oh pahtou poweiedier.+
4 Ahpw I likweriong mwaren Siohwa:+
“Maing Siohwa, komw ketin kapitiehla!”
6 Siohwa kin ketin sinsile me soakoahiek.+
I luwetala, oh e ketin doareiehla.
7 I pahn pwurehng kommoal,
Pwe Siohwa ketin kadekohng ie.
8 Komw ketin kapitiesangehr mehla,
Komw ketin limwihasangehr pilen mesei kan oh pere nehi kat pwehn dehr dipekelekel.+
9 I pahn weweid mwohn silangin Siohwa nan sapwen me momour kan.
10 Mie ei pwoson, ihme kahrehda I lokaia;+
Mendahki ei mi nan apwal laud.
11 A ngehi, I masepwehkada oh nda:
“Aramas koaros me likamw.”+
12 Dahme I pahn dupungkihong Siohwa
Soahng mwahu kan koaros me e ketin wiahiong ie?
13 I pahn ale kep en komour,*
Oh I pahn likweriong mwaren Siohwa.
14 I pahn kapwaiada inou kan me I kahukihong Siohwa
Mwohn sapwellime aramas akan koaros.+
16 Maing Siohwa, sapwellimomwi ladu ngehi,
I patohwan peki rehmwi.
Ngehi sapwellimomwi ladu, nein sapwellimomwi lidu serepeino.
Komw ketin kasaledekiesangehr nan selipei kan.+
17 I pahn meirongkihong komwi meirong en kapingkalahngan;+
I pahn likweriong mwaren Siohwa.