Melkahka kan

Ong sounpihtih keseng. Maskil.* En Depit melkahka, ni ahnsou me Doek mehn Edomo kohdo oh ndaiong Sohl me Depit kodohr ni imwen Ahimelek.+

52 Kowe aramas lemei, dahme ke kin aksuweiki omw wiewia suwed kan?+

Sapwellimen Koht limpoak loalopwoat kin mihmihte rahn ehu pwon.+

2 Lowomwen rasehng reise keng pwoat,+

Me kin koasoakoasoane en kauwehla oh pitih meteikan.+

3 Ke kin poakohng me suwed laudsang me mwahu,

Ke kin perenki koasoi likamw laudsang koasoia dahme pwung. (Selah)

4 Ia uwen omw kin likamw ni omw kin doadoahngki lowomwen,

Ke kin perenki lokaia kamedek koaros!

5 Ihme kahrehda Koht pahn ketin kauweiukala kohkohlahte;+

E pahn ketin adihiukasang oh wurahdekihiukasang nan omw impwal;+

E pahn ketin usuhkadahsang nan sapwen me momour kan.+ (Selah)

6 Aramas pwung kan pahn kilang met oh pwuriamweikihla,+

Re pahn kouruhrki ih.+

7 “Iet aramas emen me sohte kin wiahki Koht eh wasahn ruk,*+

Ahpw e kin koapworopworki eh kiden kepwe kan+

Oh kin likih* pein eh koasoandi suwed kan.”*

8 Ahpw ngehi, I pahn rasehng tuhkehn olip losolos pwoat nan tehnpesen Koht;

I kin likih sapwellimen Koht limpoak loalopwoat+ kohkohlahte.

9 I pahn kapinga komwi kohkohlahte pwehki dahme komw ketin wiadahr;+

Mwohn sapwellimomwi aramas loalopwoat kan,

I pahn koapworopworki mwaromwi+ pwe ih met me mwahu.