Melkahka kan

Ong sounpihtih keseng; ong ngilen keseng “Komw Dehr Ketin Kamwomwala.” En Depit melkahka. Mikdam.* Ni ahnsou me Sohl kadarala ohl ekei pwe ren mwasamwasahn imwen Depito oh kemehla.+

59 Maing ei Koht, komw ketin doareiehsang ei imwintihti kan;+

Komw ketin pereiehsang irail kan me kin uhwong ie.+

2 Komw ketin doareiehsang irail kan me kin wia me suwed,

Oh ketin kapitiesang aramas lemei* kan.

3 Komw mahsanih! Re awiawih pwe ren rukihiehdi;+

Aramas kehlail kei kin peiong ie

Kaidehn pwehki I uhwong de dipada,+ Maing Siohwa.

4 Mendahki I sohte wiahda sapwung, re tangodo oh onopadahng peiong ie.

Ni ei likweriong komwi peksawas, komw ketida oh ketin mahsanih dahme re wia.

5 Pwe Maing Siohwa, Koht kaunen karis en sounpei, komwi me Koht en Israel.+

Komw ketin ohpala wasa oh ketin tetehk wehi kan koaros.

Komw dehr ketin kasalehiong sounpangala mwersuwed kan kadek kalahngan.+ (Selah)

6 Re kin pwurodo nin soutik koaros;+

Re kin ngiringir* rasehng kidi kan+ oh wawaiseli nan kahnimwo.+

7 Komw ketin mahsanih dahme kohkohsang* nan awarail kan;

Kilin awarail kan rasehng kedlahs kan,+

Pwe re kin ndinda: “Ihs me rongorong?”+

8 Ahpw Maing Siohwa, komw pahn ketin kiparamatkin irail;+

Komw pahn ketin kumwuski wehi kan koaros.+

9 Maing Koht, ei Kehl, I pahn usehlahte awiawih komwi;+

Pwe komwi me ei wasahn ruk.*+

10 Koht me kin ketin kasalehiong ie limpoak loalopwoat pahn ketido oh sewese ie;+

Koht pahn ketin wiahiong ie I en kilang ei imwintihti kan ar lohdi.+

11 Komw dehr ketin kemeirailla, pwe nei aramas akan en dehr manokehla.

Sang ni sapwellimomwi manaman, komw ketin wiahiong ren kohkohseli;

Maing Siohwa, at mehn sansar, komw ketin wiahiong ren lohdi.+

12 Pwehki dihp en awarail kan,

Oh pwehki ar keria oh widing kan,

Ar aklapalap en lidipihiraildi.+

13 Komw ketin kamwomwirailla nan sapwellimomwi engieng;+

Komw ketin kamwomwirailla pwe ren sohla mie;

Komw ketin wiahiong ren ese me Koht kin ketin kaunda Seikop oh lella ni imwin sampah.+ (Selah)

14 Re kin pwurodo nin soutik;

Re kin ngiringir* rasehng kidi kan oh wawaiseli nan kahnimwo.+

15 Re kin kohkohseli raparapahki dahme re pahn kang;+

Re sohte kin medla de diarada wasahn pweidi.

16 Ahpw ngehi, I pahn koulki duwen omwi kehl;+

Nimenseng I pahn koasoia sapwellimomwi limpoak loalopwoat ni peren.

Pwe komwi me ei wasahn ruk+

Oh wasa me I pahn tangala ie ni ahnsoun ei apwal.+

17 Maing Koht, ei Kehl, I pahn koulkihong komwi koulen kaping kan,*+

Pwe Koht me ei wasahn ruk, Koht me kin ketin kasalehiong ie limpoak loalopwoat.+

Audepen Melkahka kan

Melkahka 59:nting kan me mi pohn irelaud

Nting tikitik kan me mi pah

Ire Teikan me Doakedoake Ire wet

Melkahka 59:1

Ire Teikan me Doakedoake Ire wet

Indexes

Melkahka 59:2

Nting tikitik kan me mi pah

Melkahka 59:3

Ire Teikan me Doakedoake Ire wet

Melkahka 59:5

Ire Teikan me Doakedoake Ire wet

Melkahka 59:6

Nting tikitik kan me mi pah

Ire Teikan me Doakedoake Ire wet

Melkahka 59:7

Nting tikitik kan me mi pah

Ire Teikan me Doakedoake Ire wet

Melkahka 59:8

Ire Teikan me Doakedoake Ire wet

Melkahka 59:9

Nting tikitik kan me mi pah

Ire Teikan me Doakedoake Ire wet

Melkahka 59:10

Ire Teikan me Doakedoake Ire wet

Melkahka 59:11

Ire Teikan me Doakedoake Ire wet

Melkahka 59:12

Ire Teikan me Doakedoake Ire wet

Melkahka 59:13

Ire Teikan me Doakedoake Ire wet

Melkahka 59:14

Nting tikitik kan me mi pah

Ire Teikan me Doakedoake Ire wet

Melkahka 59:15

Ire Teikan me Doakedoake Ire wet

Melkahka 59:16

Ire Teikan me Doakedoake Ire wet

Melkahka 59:17

Nting tikitik kan me mi pah

Ire Teikan me Doakedoake Ire wet

Ire teikan