Melkahka kan
Ong sounpihtih keseng. Sang sapwellimen Siohwa ladu Depit, me patohwanohng Siohwa mahsen en melkahka pwoatet ni rahn me Siohwa ketin kapitala ih sang nan pehn eh imwintihti kan koaros oh sang nan pehn Sohl. E patohwan:+
18 Maing Siohwa, ei kehl,+ I kin poakohng komwi.
2 Siohwa iei ei paipalap oh ei wasahn ruk kehlail oh Ih me ketin kapitiehla.+
3 I kin likweriong Siohwa, me ketin warohng kaping,
Oh I pahn poadoandoarla sang ei imwintihti kan.+
6 Nan ei apwal I likweriong Siohwa,
I kin liklikwer peki sawas rehn ei Koht.
E ahpw ketin karonge ngileiet sang ni sapwellime tehnpas sarawi,+
Oh ei likwer en peksawas peilahng ni koaronge kan.+
7 Sampah eri tepida itikekda oh rerada;+
Poahsoan en nahna kan mwekidada
Oh itikekla mwowe oh mwuri pwehki eh ketin engiengdahr.+
8 Ediniei kusukusdahsang nan sapwellime keinuhnu,
Kisiniei me kin kamwomwala wasa kohieisang nan doauese;+
Mwoalus okohk lul sang reh.
10 E ketin dake kerup men oh ketin pipihr kohdo.+
E ketin pihrdi ni eh ket pohn pehnpihr en ngehn emen.*+
11 Ih eri ketin pwainkihdi pein ih rotorot,+
Oh kapilkipene pein ih duwehte impwal ehu,
Pihl rotorot oh depwek mosul.+
12 Sang ni marain me mi mwohn silangi
Keteu aihs takai oh mwoalus okohk kan mwerasang ni depwek kan.
13 Siohwa eri ketin tepida ngirisek nanleng;+
Kapitien Wasa Lapalahpie ahpw sansalkihda+
Keteu aihs takai kan oh mwoalus okohk kan.
14 E ketin kadar sapwellime arep kan oh katangairailpeseng;+
E ketin kadarala piripir en sapwellime lioal oh kapingirailda.+
15 Nan kepin piletik kan* sansalda;+
Maing Siohwa, poahsoan en sahpwo sansalkihda sapwellimomwi peneu,
Sang ni angin esingek kehlail en omwi keinuhnu.+
16 E ketin kapahdihdo nin lime sang wasa ile;
E ketin koliehdi oh waikiehda sang nan pihl loal.+
17 E ketin kapitiesang ei imwintihti kehlail kan,+
Sang irail kan me kin kailongkin ie, me kehlailsang ie.+
18 Re uhwong ie ni rahn en ei apwal,+
Ahpw Siohwa iei sawasepei.
20 Siohwa kin ketin katingih ie nin duwen ei kin wia me pwung;+
E kin ketin dupukohng ie nin duwen mwakelekel en pehi kat.+
21 Pwehki ei kin kolokol elen Siohwa,
Oh ei sohte kin wia wiewia mwersuwed oh kesehla ei Koht.
22 Sapwellime kopwung koaros mihmi mwohi;
I sohte pahn pohnsehsehla sapwellime koasoandi kan.
24 Siohwa en ketin dupukohng ie nin duwen ei kin wia me pwung,+
Nin duwen pehi kat eh mwakelekel mwohn silangi.+
25 Komw kin ketin loalopwoatohng mehmen me kin loalopwoatohng komwi;+
Sohte karaunpomwi ong aramas me sohte karaunpe;+
26 Ong me mwakelekel, komw kin ketin kasalehda omwi mwakelekel,+
Ahpw ong me mwersuwed, komw kin ketin mwekid ni loalokong.+
28 Maing Siohwa, komwi me kin ketin isikada nei lamp,
Ei Koht me kin ketin kamarainihada rotorot me kapiliepene.+
29 Pwehki sapwellimomwi sawas, I kak uhwongada pwihnen aramas loallap ehu,+
Pwehki sapwellimen Koht kehl, I kak dauredi kehl ehu.+
E ketin wia mehn sansar ong irail koaros me kin rukula reh.+
31 Pwe ihs me Koht palilahsang Siohwa?+
Oh ihs me paip likin atail Koht?+
33 E kin ketin wiahiong nehi kat en duwehla nehn tie men;
E kin ketin wiahiong ie I en kesihnen pohn wasa ileile kan.+
34 E kin ketin kaiahnehda pehi kat ong mahwen;
Pehi kat kak kadangpeseng kesik ketieu prons.
35 Komw kin ketikihong ie sapwellimomwi mehn sansar en komour,+
Palimaun en nin limomwi me kin utung* ie,
Oh sapwellimomwi aktikitik kin kalinganeiehla.+
37 I pahn pwakih ei imwintihti kan oh koanoairaildi;
I sohte pahn pwurodo lao irail sohrala.
38 I pahn kamwuteirailpene pwe ren dehr pwourda;+
Re pahn pwupwudiong pahn nehi kat.
39 Komw pahn ketikihong ie kehl ong mahwen;
Komw pahn ketin wiahiong ei imwintihti kan en pwupwudiong pahi.+
40 Komw pahn ketin wiahiong ei imwintihti kan en pweieksang ie,*
41 Re kin likwer peksawas, ahpw sohte emen me pahn doareirailla;
Re pil kin likweriong Siohwa, ahpw e sohte kin ketin sapeng irail.
42 I pahn sukirailpene pwe ren mwutpene duwehla pwelpar nan kisinieng;
I pahn keseirailla duwehte pwelmatak nanial akan.
43 Komw pahn ketin doareiehsang aramas akan me kin kauwe ie.+
44 Sang ni rohng pwoat re pahn peikiong ie;
Mehn liki kan pahn kohdo poaridi mwohi ni masak.+
45 Mehn liki kan pahn sohla eimah;*
Re pahn rerrer kohdo sang arail wasahn ruk kehlail kan.
46 Siohwa ketin ieias! Kaping ong ei Paip!+
Koht sounkomourpei en ketin lapalapala.+
47 Koht mehlelo kin ketin ikihong ei imwintihti kan;+
E kin ketin kahrehiong aramas akan en lohdi pahi.
48 E kin ketin doareiehsang ei imwintihti kan me kin lingeringer;
Komw kin ketin pwekiedahla pohnangin irail me peiong ie;+
Komw kin ketin doareiehsang aramas lemei.
49 Ihme kahrehda, Maing Siohwa, I pahn kalinganahda komwi nan wehi kan,+