Melkahkahn Melkahka kan

3 “Pohn ei pehto nipwong kan,

I rapahki ei mwohnlimpoako.+

 2 I pahn pwourda oh aluseli nan kahnimwo;

I pahn rapahki ei mwohnlimpoako

Nanial akan oh nan wasahn tuhpene kan.

 3 Ekei silepen kahnimwo ahpw kasaingiehdi ni ar doudouseli;+

‘Kumwail sohte kilang ei mwohnlimpoako?’

 4 I aluhlahsangirailte

Ngehi eri kilangada ei mwohnlimpoako.

I ahpw pwoalehdi, sohte kadarala

Lao I walahng ih nan imwen ineio,+

Nan en lih me liseiankiniehda pereo.

 5 Lihen Serusalem kan, kumwail kahukihong ie,

Sang ni lingan oh kaselel en kasel oh tie lih en nan mohs:

 6 “Dahkot met me kohkohdahsang nan sapwtehn likamwete uhr en ediniei,

Me pwohn mir, warpwohmwahu pwetepwet,*

Oh en sounnetinet paute pwohmwahu koaros?”+

Ohl kehlail wenehk kapilpene,

Ohl kehlail en Israel kan,+

 8 Irail koaros tehtehki kedlahs pwoat,

Irail koaros kaiahnda ong mahwen,

Emenemen mie nah kedlahs ni pengepenge

Pwehn pere ih sang keper en nipwong.”

 9 “Met iei rohpapiso* en Nanmwarki Solomon

Me e ketin wiahda sang tuhkehn Lepanon kan+ ong pein ih.

10 E ketin wiahkihda uhr kan silper,

Utupe kan kohl.

Mehn mwomwohdo sang ni likou ntahnmwel;*

Lihen Serusalem kan kapwatahda

Masloale sang ni limpoak.”

11 “Lihen Saion kan, kumwail kohieila,

Kumwail udiahl Nanmwarki Solomon

Eh kapwatki nihn en kapwopwoud* me ineo+ wiahiong ih

Ni rahnen sapwellime kapwopwoudo,

Ni rahn me kupwure pereperen.”