Melkahka kan
106 Kapinga Iah!*
Kumwail kapingkalahngan ong Siohwa, pwehki ih me kupwur mwahu;+
Sapwellime limpoak loalopwoat me poatopoat.+
2 Ihs me kak koasoia duwen sapwellimen Siohwa wiewia manaman kan koaros
De lohki sapwellime wiewia lingan koaros?+
3 Meid peren irail kan me kin mwekid ni pwung pahrek,
Me kin wia dahme pwung ahnsou koaros.+
4 Maing Siohwa, komw ketin tamataman ie ni ahnsou me komw ketin kasalehiong sapwellimomwi aramas akan kupwuramwahu.+
Komw ketin apwalih ie oh doareiehla,
5 Pwe I en ahneki soahng mwahu kan me komw ketin kasalehiong sapwellimomwi aramas pilipilda kan,+
Pwe I en iang tohn sapwellimomwi wehi perenda,
Pwe I en iang aramas akan me komw ketin sohsohki pohlki kapinga* komwi.
7 Samat mehn mahs ako nan Isip sohte kesempwalki* sapwellimomwi doadoahk kapwuriamwei kan.
Re sohte tamataman sapwellimomwi limpoak loalopwoat laud,
Ahpw re uhwongada ni sehdo, limwahn Sehd Weitahtao.+
9 E ketin ruwese Sehd Weitahtao, oh e ngalangalada;
E ketin kahluwa irail kohla nan kapin sehdo duwehte ar alu nan sapwtehno;+
10 E ketin kapitirailla sang nan pehn aramas me kin kailongkin irail+
Oh ketin kasapahliraildo sang nan pehn imwintihtio.+
13 Ahpw irail mwadangete manokehla dahme e ketin wiadahr;+
Irail sohte awih sapwellime kaweid.
15 E ketikihong irail dahme re peki,
Ahpw mwuri, e ketin kadarodohng irail soumwahu ehu me kahrehiong ren luwetala oh mehla.+
17 Sampah eri kohpeseng oh kadallehla Dadan
Oh pwaindi irail akan me pokonpene rehn Apiram.+
18 Kisiniei ehu ahpw lulda nanpwungen arail pwihno;
Kisiniei ehu isikala me suwed ko.+
19 Re wiahda sansal en koupwul ehu nan Orep
Oh re poaridiong sansal meteo.+
20 Re kawiliankihda ei lingan
Ong sansal en kouwol men me kin kang dihpw.+
21 Re manokehla Koht,+ Sounkomourparail,
Me ketin wiahda soahng laud kan nan Isip,+
22 Doadoahk kapwuriamwei kan nan sapwen Ahm,+
Oh wiewia kapwuriamwei kan ni Sehd Weitahtao.+
23 E nektehn pahn ruwese ar pahn kamwomwmwomwla,
A Moses me e ketin piladahro ahpw patohwan peki reh*
En ketin irehdi sapwellime engieng en dehr kamwomwirailla.+
26 Ih eri ketin kahukihla inou ehu* me pid irail
Me e pahn ketin kamwomwirailla nan sapwtehno;+
27 E pahn ketin kamwomwala kadaudokarail kan nan wehi kan,
Oh e pahn ketin kamwarakirailpeseng nan sahpw kan.+
28 Irail eri uhd iang kaudokiong* Paal en Pihor,+
Oh re tungoale meirong kan me meirongalahr ong me melahr kan.*
30 Ahpw ni Pineas eh uhda oh mwekid,
Kalokoloko ahpw uhdi.+
31 Oh E ketin wiahkihla ih aramas pwung men
Erein dih kan koaros kohkohlahte.+
33 Re kalingeringerihada Moses,
Oh e koasoi ni eh sohte medewe.+
37 Re kin meirongkihong ngehn suwed kan
Neirail pwutak kan oh neirail serepein kan.+
38 Re kin usehlahte kakerehdi ntahn aramas me sohte dipe,+
Ntahn neirail pwutak kan oh serepein kan
Me re kin meirongkihong dikedik en Kenan kan;+
Oh sahpwo saminkihla kakerehdi nta.
40 Siohwa eri ketin engiengda pahn sapwellime aramas ako,
Oh e ketin kalahdekihla aramas ako me e ketin sohsohki.
41 E kin ketin pwurupwurehng mweidirailla pahn manaman en wehi kan,+
Pwe aramas akan me kailongkin irail en kaunirailda.+
42 Arail imwintihti kan kin kaloke irail,
Oh re lohdi pahn ar manaman.*
43 Pak tohto e kin ketin kapitirailla,+
Ahpw re kin uhwongada oh sapeik,+
Oh re kin namenekla pwehki ar sapwung.+
45 E kin ketin tamataman sapwellime inou lapo pwehki irail,
Oh e kin ketin poakeirailla, oh sapwellime limpoak loalopwoat laud* me kin kamwakid ih.+
46 E ketin kahrehiong irail koaros me salihiraildi
Ren poakeirailla.+
47 Maing Siohwa at Koht, komw ketin kapitkitala,+
Oh komw ketin kapwureikitodo sang nan wehi kan+
Pwe sen kin kapingkalahngan ong mwaromwi sarawi
Oh perenda ni at kapinga komwi.+
48 Kaping en kohwong Siohwa, Koht en Israel,
Kohkohlahte.+
Oh aramas akan koaros en patohwan, “Amen!”*
Kapinga Iah!*