Melkahka kan
Ong sounpihtih keseng. En Depit melkahka.
2 Rahn koaros ar lokaia kan kin pwilipwilwei rasehng pihl,
Oh pwohng koaros re kin kasalehda loalokong.
3 Sohte koasoi oh sohte lokaia;
Sohte me kin rong ngilarail.
4 Ahpw ngilarail kan* lelpesengier wasa koaros nin sampah,
Oh arail padahk lellahng ni irepen sampah* wasa me aramas kin kousoan ie.+
Koht ketin kauwada impwal ehu pahnlahng ong ketipin;
5 Ketipin rasehng ohl kamwohd men me kohkohieisang nan perehn pwopwoud;
Oh rasehng ohl kehlail men me pereperen tangatang nan weirentang ehu.
6 E kin kohieisang ni ehu imwin pahnlahng,
Oh e kin pideklahng ni imwi teio;+
Oh sohte mehkot ehu kin rirsang eh karakar.
7 Kosonned en Siohwa me unsek,+ e kin pwurehng kakehlailihada emen.+
Sapwellimen Siohwa mehn kataman me likilik,+ e kin kaloalokongihala me soakoahiek men.+
8 Sapwellimen Siohwa ruwes kan me pwung, e kin kaperenda mohngiong;+
Sapwellimen Siohwa kehkehlik me mwakelekel, e kin kamarainihada mesen aramas.+
9 Lemmwin Siohwa+ me min, e pahn mihmi kohkohlahte.
Sapwellimen Siohwa kadeik kan me mehlel, koaros kin pwung.+
10 Mepwukat kesempwal sang kohl,
Kesempwal sang kohl kaselel tohto,*+
Oh memsang sukehn loangalap,+ sukehn loangalap me kin dingiding sang nan pesen loangalap kan.
11 Sang ni mepwukat, komw kin ketin padahkih sapwellimomwi ladu en soikala ahl sapwung;+
Mie keting laud ni eh kin kapwaiada mepwukat.+
12 Ihs me dehdehki sapwung kan?+
Komw ketin mahkikihong ie* dihp kan me I sohte pohnese.