Melkahka kan
En Depit melkahka.
144 Kaping en kohwong Siohwa, ei Paip,+
Me kin ketin kaiahnehda pehi kat ong pei,
Oh sendin pehi kat ong mahwen.+
2 Ih me ei limpoak loalopwoat oh ei wasahn ruk kehlail,
Ei wasahn ruk* oh sounkomourpei,
Ei mehn sansar oh I kin tangala reh pwehn ale perehpei,+
Ih me kin ketin kahrehiong aramas akan en lohdi pahi.+
3 Maing Siohwa, dahkot aramas pwe komwi en kin ketin tehk,
Oh dahkot nein aramas pwe komwi en kin ketin pohnese?+
5 Maing Siohwa, komw ketin kaidihdo* sapwellimomwi lahng oh ketidihdo;+
Komw ketin sair nahna kan oh kahrehiong ren ediedida.+
6 Komw ketin wiahiong lioal en piripir oh katangapeseng imwintihti kan;+
Komw ketin kadar sapwellimomwi arep kan oh kapingirailda.+
7 Komw ketin kapahdihdo nin limomwi kan sang powe;
Komw ketin kapitiesang oh doareiehsang ahden pihl kehlail kan,
Sang nan pehn mehn liki kan,+
8 Me kin lokaia likamw
Oh kin kauwada palimaun en pehrail kan pwehn kahukihla dahme likamw.*
9 Maing Koht, I pahn koulkihong komwi koul kapw pwoat.+
I pahn koulkihong komwi koulen kaping kan,* iangahki mehn keseng sahl eisek,
10 Pwehki omwi kin ketikihong nanmwarki kan kana,*+
Omwi kin ketin kapitala sapwellimomwi ladu Depit sang kedlahs keper.+
11 Komw ketin kapitiesang oh doareiehsang nan pehn mehn liki kan,
Me kin lokaia likamw
Oh kauwada palimaun en pehrail kan pwehn kahukihla dahme likamw.
12 Eri nait pwutak kan pahn rasehng kisin tuhke kan me kin keirda mwadang,
Nait serepein kan pahn rasehng uhren keimw kan me perperda ong tehnpesen nanmwarki.
13 At imwen nahk kan pahn direkihla soangen wahnsahpw koaros;
Nait pelinmen kan nan at mwaht akan pahn tohtohkihla meh kid kei, de nen kei.
14 Nait kou kan me liseian sohte pahn ohla de iohla;
E sohte pahn mie ngilen sengiseng en apwal nan at wasahn tuhpene kan.
15 Meid peren aramas akan me ahneki soahng pwukat koaros!
Meid peren aramas akan me arail Koht iei Siohwa!+