Deuderonomi
32 “Nanleng, rong, oh I pahn koasoi,
Oh sampah en rong mahsen kan sang eweiet.
2 Ei kaweid pahn mweredi rasehng keteu;
Ei mahsen kan pahn kohdi rasehng pwoaik,
Rasehng mwaramwarahk en keteu pohn dihpw
Oh rasehng keteu laud me kin mweremwerdi pohn tuhke.
3 Pwe I pahn lohki mwaren Siohwa.+
Koasoia duwen lapalap en atail Koht!+
5 Irail me wia mwekid suwed.+
Irail kaidehn sapwellime seri, pein irail me sapwung.+
Irail dih ehu me suwed oh dipan!+
Kaidehn ih Semomw me ketin kahrehiong uhk ken miehla,+
Me ketin wiaiukada oh katengeiukedi?
7 Tamataman rahn akan mahso;
Medewehla sounpar en dih kan me samwalahr.
Idek rehn semomw, oh e kak ndaiong uhk;+
Idek rehn me mah kan, oh re pahn padahkihong uhk.
8 Ni Wasa Lapalahpie eh ketikihong wehi kan arail sohso,+
Ni eh ketin katohrepeseng nein Adam seri kan* sang emenemen,+
E ketin koasoanehdi irepen sapwen aramas akan+
Nin duwen uwen tohtohn mehn Israel kan.+
10 E ketin diarada Seikop nan sapwtehn ehu+
Oh nan sapwtehn ehu me sohte mehkot ie oh ngilen mahn lawalo.+
E ketin pere oh kapilpene ih, apwalih ih,+
11 Rasehng ikel men eh kin padahkihong
Wah kan duwen ar pahn pihr,
Kapahpeseng eh pehnpihr kan, daperkin irail,
Weuwa irail pohn peh kan,+
12 Siohwa kelehpw kin ketin kahluwa ih;*+
Sohte koht en liki iang ih.+
E ketihnainiehki ih sukehn loangalap sang paipalap
Oh leh sang paip kekeluwak ehu,
14 Pwete sang pelin kou oh milik sang pelin sihpw oh kuht,
Iangahki sihpw me keieu kaselel,*
Oh sihpw wol kan sang Pasan, oh kuht-wol kan,
Iangahki wihd me keieu kaselel;*+
Oh ke nim wain sang ntahn* kreip kan.
15 Ni Sesurun* eh mworouroula, e kik ni kahngohdi.
Ke mworouroula, ke toutoula, ke medla.+
Eri e kesehla Koht, me ketin wiahda ih,+
Oh mwamwahlikihla Paip en eh komour.
17 Re kin meirongohng ngehn suwed kan, kaidehn Koht,+
Ong koht kan me re sehse,
Me kapw kan me kin ahpwtehn kohdo,
Ong koht kan me samamwail mehn mahs ako sehse.
19 Ni Siohwa eh ketin mahsanihada met, e ketin soikirailla+
Pwehki sapwellime pwutak kan oh serepein kan kansensuwedihada ih.
20 Eri e ketin mahsanih, ‘I pahn ekihsang irail silangiet;+
I pahn kilang dahme pahn wiawihong irail.
21 Irail kalingeringerihkiniehda* mehkot me kaidehn koht emen;+
Irail kansensuwedihkiniehda arail dikedik soh katepe kan.+
Eri I pahn kaluwakahkin irail mehkot me kaidehn aramas;+
I pahn kansensuwedihkinirailda wehi pweipwei ehu.+
22 Pwe ei engieng saunda kisiniei ehu+
Me pahn lul kohdilahng kepin Sousou,*+
Oh e pahn kamwomwala sampah oh audepe kan
Oh pahn isikala poahsoan en nahna kan.
23 I pahn kalaudehla arail kahpwal kan;
I pahn doadoahngkihla nei arep kan ong irail.
25 Liki, kedlahs pwoat pahn kulih irail;+
Loale, mie masak+
Ong mwahnakapw oh meipwon,
Seri pwelel iangahki me moangepwet.+
26 I pahn nda: “I pahn kamwarakirailpeseng;
I pahn kasohrehla katamanparail sang rehn aramas akan,”
27 Ahpw I pwunodki dahme imwintihti kan pahn nda,+
Pwehki me uhwong kan kakete sawehwehki met.+
Re kakete nda: “At manaman me kalowehdi;+
Kaidehn Siohwa me ketin wia mepwukat koaros.”
28 Pwe irail wehi ehu me sohte wehwehki mehkot,*
Oh sohte koahiek en wehwehki ire kan nanpwungarail.+
29 Ma re loalokongete!+ Re pahn medemedewe mwahu met.+
Re pahn medewe dahme pahn wiawihong irail.+
30 Ia duwen emen eh kak pwakih meh 1,000,
Oh meh riemen ara kak wiahiong meh 10,000 ren tangdoaui?+
Ihte ma arail Paipo netikinirailla+
Oh Siohwa ketin mweidirailla pahn ar imwintihti kan.
32 Pwe arail tuhkehn kreip kohsang tuhkehn kreip en Sodom
Oh sang mwetin kreip kan en Komora.+
Arail kreip kan kreip pwoisin kei,
Arail dunen kreip kan katik.+
33 Arail wain iei pwoisin en serpent kan,
Pwoisin kehlail en kopra kan.*
34 Met sou nekinekla rehi,
Ritidi douluhl nan ei imwen nahk?+
35 Ngehi me pahn ikih oh dupuk,+
Ni ahnsou me kileldi me patehn nehrail kan pahn kiris,+
Pwe rahnen arail apwal kerendohr,
Oh dahme awiawih irail pahn mwadang leledo.’
36 Pwe Siohwa pahn ketin kadeik sapwellime aramas akan,+
Oh e pahn ketin poakehla* sapwellime ladu kan+
Ni eh mahsanihada me ar kehl tikitiklahr,
Oh ihte, me sohte sawasepe oh me luwet me luhwehdi.
37 Eri, e pahn ketin mahsanih, ‘Ia arail koht kan,+
Paip me re kin rapahki wasahn ruk ie,
38 Me kin tungoale wihn arail meirong kan*
Oh kin nim wain sang nan arail meirong en wain kan?+
Ren uhda oh sewesei kumwail.
Ren wiahla amwail wasahn ruk.
I kin kemehla, oh I kin kamourada.+
40 Pwe I kapahda pehiet nanleng,
Oh I kahukihla: “Nin duwen ei ieias kohkohlahte,”+
41 Ma I edehda nei kedlahs lingaling
Oh kaunopada pehiet ong kadeik,+
I pahn ikih ei imwintihti kan+
Oh kaloke irail kan me kin kailongkin ie.
42 I pahn wiahiong nei arep kan ren sakaukihla nta,
Oh nei kedlahs pahn kang uduk,
Ntahn me kamakamala oh me sensel kan,
Moangen kaunen imwintihti kan.’
43 Kumwail wehi kan, kumwail iang sapwellime aramas akan perenda,+
Pwe e pahn ketin ikih ntahn sapwellime ladu kan,+
Oh e pahn ketin dupukohng sapwellime imwintihti kan+
Oh pahn ketin wiahda tomw ong* sapwen sapwellime aramas akan.”
44 Moses eri kohdo oh koasoia mahsen kan koaros en koul wet ni aramas ako ar wie rongorong,+ ih oh Osea*+ nein Nun. 45 Mwurin Moses eh kaimwisekala eh koasoiaiong Israel pwon mahsen pwukat koaros, 46 e ndaiong irail: “Kumwail katengehdiong nan amwail mohngiong mahsen pwukat koaros me I panawihekin kumwail rahnwet,+ pwe kumwail en kehkehlingkihong noumwail seri kan ren kanahieng kapwaiada mahsen en Kosonned wet koaros.+ 47 Pwe kaidehn koasoi mwahl ehu met ong kumwail, ahpw e pid amwail mour,+ oh pwehki mahsen wet kumwail kak mour werei nan sahpw me kumwail pahn kotehla Sordan pwehn sapwenikihla.”
48 Ni rahnohte Siohwa ketin mahsanihong Moses: 49 “Kohdahla pohn nahnahn Aparim+ wet, Nahna Nepo,+ me mi nan sapwen Mohap, me sallahng Seriko, oh kilenglahng sapwen Kenan, me I pahn kihong mehn Israel kan ren sapwenikihla.+ 50 Eri ke pahn mehla pohn nahna me ke pahn kohdahla ie, oh ke pahn seridi duwehte semomw mehn mahs ako, duwehte riomw Aaron eh mehla pohn Nahna Or+ oh seridi duwehte seme mehn mahs ako, 51 pwehki kumwa koaros sohte lelepek ong ie nanpwungen mehn Israel kan ni pihl en Meripa+ en Kades nan sapwtehn en Sinn, pwehki kumwa sohte kasarawihiehla mwohn aramas en Israel kan.+ 52 Ke pahn kilang sahpwo sang wasa doh, ahpw ke sohte pahn pedolong nan sahpw me I pahn kihong aramas en Israel kan.”+