Melkahka kan
En Depit melkahka.
26 Maing Siohwa, komw ketin kadeikiehda, pwe I kin weweidki ei loalopwoat;+
I kin likih Siohwa oh I sohte kin uhdihsang likih ih.+
2 Maing Siohwa, komw ketin kasawih ie oh kasonge ie;
Komw ketin kamwakelehda ei madamadau keieu loal kan* oh mohngiongi.+
3 Pwe sapwellimomwi limpoak loalopwoat kin ahnsou koaros mi mwohi,
Oh I kin weweidki sapwellimomwi mehlel.+
4 I sohte kin patehng* aramas widing kan,+
Oh I kin soikala irail kan me kin ekihla soangen aramas dah irail.*
6 I pahn omwiomw pwehn kasalehda me sohte dipei,
Oh Maing Siohwa, I pahn pidakih sapwellimomwi pei sarawio,
7 Pwe I en kasapahlkalahngan ong komwi ni ngihl laud+
Oh lohki sapwellimomwi wiewia kapwuriamwei kan koaros.
8 Maing Siohwa, I patohwan poakohng tehnpas me komw kin ketiket ie+
Wasa me sapwellimomwi lingan kin ket ie.+
9 Komw dehr ketin koakoahiehsang iangahki me dipan akan+
De pil ketikihsang ei mour iangahki aramas lemei kan,*
10 Me pehrail kan kin wia tiahk kanamenek kan,
Oh me palimaun en pehrail kan kin perenki ale kisakis ni ahl sapwung.*
11 Ahpw ngehi, I pahn weweidki ei loalopwoat.
Komw ketin doareiehla* oh ketin kupwuramwahwih ie.