Melkahka kan
En Depit melkahka.
29 Kumwail kapinga Siohwa, kumwail nein me kehlail kan,
Kumwail kapinga Siohwa pwehki sapwellime lingan oh roson.+
2 Kumwail kapinga Siohwa pwehki mwareo warohng linganla
Kumwail poaridiong* Siohwa ni amwail likawih likou sarawi kan.*
3 Kapitien Siohwa peipeido sang pohn pihl akan;
Kapitien Koht lingaling wie ngiringirisek rasehng nansapwe.+
Siohwa ketiket pohn pihl tohto.+
4 Kapitien Siohwa me manaman;+
Kapitien Siohwa me kaselel.
5 Kapitien Siohwa kin kauwehla sidar kan;
Ei, Siohwa kin ketin kamwutepene sidar en Lepanon kan.+
6 E kin ketin kalusseli Lepanon* rasehng koupwul men,
Oh e kin ketin kalusseli Sirion+ rasehng koupwul wol lawalo men.
7 Kapitien Siohwa kin kahrehda lioal eh kin piripir.+
8 Kapitien Siohwa kin kahrehda sapwtehno en rerada;+
Siohwa kin ketin kahrehiong sapwtehn en Kades+ en rerada.
9 Kapitien Siohwa kin kahrehiong tie en rerrer oh neitik
Oh kin kahrehiong nanwel kan en mahsahsda.+
Oh koaros me mi nan tehnpese pahn patohwan: “Lingan!”
10 Siohwa kin ket nan mwoale pohnangin lapake kan;*+
Siohwa kin ket nan mwoale nin duwen Nanmwarki kohkohlahte.+
11 Siohwa pahn ketikihong sapwellime aramas akan kehl.+
Siohwa pahn ketin kapaiahki sapwellime aramas akan popohl.+